-Оваа ноќ за прв пат спиев мирно, бидејќи вчера сфатив дека братскиот народ на Северна Македонија нема да ја нападне Бугарија со донираните тенкови и нема да има територијални претензии. Нема да ни го земат Банско. Кои тврдења ги имате? Сите сакаме да бидеме во ЕУ – први ве признавме, први ве поддржавме за НАТО. Да се каже дека историјата не е важна е како да умираш како овца без историја.
Ова го изјави лидерот на ГЕРБ Бојко Борисов по повод посетата на премиерот Кирил Петков на Скопје.
-Поминавме низ многу тешки, многу несреќни настани за нашата историја, но се издигнавме и победивме, за што сите сме горди што сме Бугари. Ваквата тема не навредува – нема повеќе да доаѓам во вашиот двор, рече Борисов и напомена дека за прв пат државник на Бугарија оди во РСМ без да положи цвеќе на гробот на Гоце Делчев.
Борисов побара да дознае дали на средбата меѓу Кирил Петков и претседателот на РСМ Стево Пендаровски разговарале за македонското малцинство во Бугарија.
-Нашиот Устав јасно кажува дека сите бугарски граѓани се еднакви, рече Борисов.
Инаку, Кирил Петков денеска се пофали дека посетата била огромен успех затоа што Македонија испратила нота дека нема територијални претензии кон Бугарија.
„Нотата е многу поважна од само кусо и долго име. Нотата кажува дека Република Северна Македонија нема претензии кон територијалната целост на Бугарија. Тука треба да разберат дека вчерашната посета беше огромен успех“, изјави Петков.
