Лидерот на ГЕРБ, Бојко Борисов ја најави можноста за формирање на влада со Продолжуваме со промените-Демократска Бугарија (ПП – ДБ), Бугарската социјалистичка партија (БСП) и Има таков народ (ИТН).
Рече дека бугарската влада може да биде формирана без учество на ДПС – Нов почеток, фракцијата на Дељан Пеевски, Алијансата за права и слободи (АПС), без Преродба (Вазраждане) или „Морал , Единство, чест“ (MEЧ), затоа што се од многу различни идеолошки семејства, пренесува бнр.бг.
Изборот на претседател на Собранието не е цел сам по себе, туку појдовна точка за почеток на преговорите, појасни Борисов и посочи дека ГЕРБ-СДС повторно предлага оваа функција да ја пополни Раја Назарјан.
Таква влада можам да управувам само јас – да ја заштитам од влијанието на земјите кои ќе се обидат да формираат кабинет од други партии“, изјави Борисов.
Лидерот на „Преродба“, Костадин Костадинов од собраниската говорница рече дека без „Преродба“ не може да има стабилна и долготрајна влада.
