Австриската армија го претстави првото воено куче научено да го открие коронавирусот со мирисање на заштитните маски на заразените, соопшти австриското Министерство за одбрана.

                                                             YouTube / Printscreen

Во соопштението се наведува дека белгиски овчар по име Фантази Форевер од Зеталблик учествува во програмата што би требало да открие дали кучињата можат да разликуваат здрави и заразени луѓе.

Привремениот извештај за програмата потврди дека кучето навистина може да ги препознае маските на заразените лица, пренесе ТАСС.

YouTube / Printscreen
                                                           YouTube / Printscreen

Првата фаза на проверка на кучето преминува во практичната фаза, се нагласува во соопштението.

Второто куче во моментов ја завршува првата фаза, додека уште две кучиња ќе ја научат оваа вештина до крајот на годината. Проектот се очекува да заврши во првото тромесечје од 2021 година, а пред тоа сите кучиња ќе ги поминат практичните тестови на маските на заразените.

YouTube / Printscreen
                                                         YouTube / Printscreen

Министерството за одбрана сака да донесе заклучок за тоа дали е можно да се користат кучиња во реалните услови, на пример, на аеродромите.