Белгискиот премиер Александар Де Кро изјави дека „она што денес се случува во Газа повеќе не е пропорционално“.
Тој ја нагласи осудата на белгиската влада за масакрот на 7 октомври од страна на Хамас и правото на Израел да се брани.
– Ако некој бомбардира цел бегалски камп со намера да елиминира еден терорист, тогаш мислам дека тоа повеќе не е пропорционално, рече тој.
Де Кро додаде дека е сосема логично да се бара решение за Хамас, но прашање е како да се пронајде решение со политички дијалог, пауза во борбите и ослободување на сите заложници.
„Нашата земја не зазема страна. Она што го избираме е крај на насилството и илјадниците цивилни жртви“, додаде тој, пренесуваат белгиските медиуми.
