САД се подготвени за церемонијата на инаугурацијата на новиот претседател Џо Бајден. Како никогаш досега, преземени се вонредни безбедносни мерки. Над 25.000 припадници на Националната гарда се обучени да го штитат претседателот во случај на напад или инцидент. Капитол Хил е опкружен со висока ограда покриена со бодликава жица, додека целата област е „блиндирана“.
– Advertisement –
И покрај безбедносните проблеми, Бајден одлучи да даде заклетва на традиционален начин. Но, традицијата стара 160 години ќе ја прекрши неговиот претходник Доналд Трамп, кој нема да присуствува на настанот. Поради пандемијата, повеќето од прославите ќе се одржат виртуелно.По пристигнувањето во Вашингтон, Џо и Џил Бајден, како и потпретседателката Камала Харис и нејзиниот сопруг планираат да запалат 400 светла во близина на Меморијалот на Линколн во чест на 400.000 жртви од Ковид- 19.
Од друга страна, Трамп планира да го напушти Вашингтон во среда наутро со церемонија на црвениот тепих до претседателскиот авион, со кој ќе замине во неговата резиденција во Флорида. Планот на Трамп предизвика многу критики и беше опишан како „раздорна церемонија за бегство на претседателот во заминување“. Првата дама во заминување, Меланија Трамп изјави дека тоа е најголемата чест што им служела на Американците и дека била инспирирана од нив.
„Последните 4 години беа незаборавни. Додека Доналд и јас го завршуваме своето време во Белата куќа, мислам на сите луѓе кои останаа во моето срце, на нивните прекрасни настани на љубов, патриотизам и посветеност“, изјави Меланија Трамп, прва дама на САД во заминување.
Американската амбасадорка Кејт Мери Барнс нагласува дека американската демократија останува силна. Доказ, според неа, е утрешната церемонија организирана од двете политички сили и покрај вознемирувачките избори и невидениот пресврт со кој се соочи американската историја. На емисијата 200 на Алсат, Барнс рече дека симболичната и традиционална церемонија на трансфер на власта на која Американците виртуелно ќе присуствуваат, ќе им даде чувство на единство, оптимизам и надеж.
„Една од паролите на оваа инаугурација е „Унифицирана Америка“, нашата демократија е решена да создаде посовршена унија, што е процес на движење напред. Она што ќе го видите утре е почеток на напорите за враќање на единството низ САД, но тоа несомнено ќе биде процес и сите со нетрпение ги очекуваат утрешните настани. Пораката што ќе ја даде претседателот ќе биде важна, но исто така ќе биде важно и што ќе се случи следните недели и месеци“, рече Кејт Мери Барнс, амбасадорка на САД.
Бајден доаѓа на чело на САД откако 3 децении служеше како сенатор, а подоцна и како потпретседател на поранешниот претседател Барак Обама. По преземањето на функцијата, тој се очекува да ја забрза вакцинацијата против КОВИД-19, да ја оживее економијата и да ја „обедини“ земјата, поделена под претседателството на Трамп.
