Авганистанските бегалци почнуваат да пристигнуваат во Германија, Франција и други земји бидејќи евакуацијата од Кабул продолжува, откако Талибанците ја преземаа контролата над авганистанскиот главен град. Повеќе од 2.200 дипломати и други цивили се евакуирани од Авганистан со воени авиони. Милитантите велат дека сакаат мир, ветуваат дека нема да им се одмаздуваат на старите непријатели и оти ќе ги почитуваат правата на жените, но во рамките на исламскиот закон, Шеријатот. Но, илјадници Авганистанци, од кои повеќето ја помагаа коалицијата предводена од САД веќе две децении, се очајни да заминат.
Advertisements
Британскиот премиер Борис Џонсон пред Парламентот рече дека светот гледа дали постапките на Талибанците се совпаѓаат со нивните зборови. Тој, исто така, рече дека претставниците ќе работат на обединување на меѓународната заедница за да имаат план за справување со милитантите.
Во меѓувреме, еден од водачите и ко-основачи на групата која веќе го контролира целиот Авганистан, Абдул Гани Барадар, се врати во земјата по 20 години отсуство. Телевизијата поврзана со Талибанците, Ал Хиџра, објави снимка од пристигнување на Барадар во Авганистан. Тој сега е заменик -лидер на Талибанците и избра да слета во вториот по големина авганистански град, Кандахар, духовниот град на Талибанците и главен град на земјата за време на нивниот прв период кога владееја со земјата. Тој дојде од Катар, каде што помина месеци водејќи неуспешни разговори со САД и со претставници на сега соборената авганистанска влада.
Портпаролот на Талибанците на прес -конференција вчера рече дека не сакаат внатрешни или надворешни непријатели, туку мирни односи со меѓународната заедница.
Alsat
