Пратеникот од ДУИ, Арбер Адеми во вечерашното гостување во емисијата „Патот кон“, запрашан што ќе биде промовирано на 5 јуни, од страна на ДУИ, односно дали ќе има изненадување за името на кандидатот за градоначалник, по примерот со премиер Албанец, рече дека тоа го знаел само првиот човек на партијата, Али Ахмети.
„Ова е прашање што му припаѓа на претседателот Ахмети, претседател на партијата и апсолутно е изненадување, изненадување што ќе го открие тој и само тој, претседателот Ахмети“, изјави Адеми.
