Речиси шест часа траеше вчерашната средбат на првиот човек на ДУИ, Али Ахмети со незадоволната група во партијата. Ахмети потклекна пред дел од барањата на групата предводена од потпретседатели, пратеници, градоначалници и членови на извршната власт. Лидерот на ДУИ прифати да се свика Генералниот совет на партијата, а потоа да продолжи со изборот на партиските органи и да се добие отчет од извршната власт, пренесува Алсат.
„На 15 октомври ќе се свика состанок на Генералниот совет како највисок орган меѓу два конгреса. Овој совет ќе избере претседателство, надзорен совет и откако ќе заврши средбата на советот со Генералниот совет со анализа за политичките случувања во земјата, состанокот на претседателството се повлекува за да ги избере другите органи на партијата. Треба да се изберат секретаријати и други тела во рамките на претседателството. Целиот овој процес го водат членови на генералниот совет, активисти и функционери на ДУИ“, рече Ахмети.
Ахмети ги отфрли тврдењата дека во ДУИ има огнена група.
