Демократската Унија за Интеграција во Јаболчиште, општина Чашка, ги презентираше зелената агенда, проектите на изборната програма, кандидатот за градоначалник Суат Шаќири и кандидатите на заедничката листа со другите албански политички субјекти за советници во општина Чашка.
На жителите на општината Чашка им се обратија претседателот на Демократската Унија за Интеграција Али Ахмети, првиот вицепремиер Артан Груби, министерот за економија Крешник Бектеши и кандидатот за градоначалник Суат Шаќири.
Лидерот на ДУИ, Али Ахмети во својот говор ја истакна поддршката за кандидатурата на Суат Шаќири и го изрази своето убедување за неговата победа и зелената агенда на изборите на 17 октомври.
-Ако се сеќавате, пред една година излеговме со платформа за албански премиер, имаше многумина што не веруваа, но, кога намерата е добра, нема сила што може да го спречи тоа. На следните избори ќе влеземе со премиер Албанец. Зошто го направивме сето ова? Го направивме за да ги надминеме предрасудите, да им кажеме на сите дека оваа земја им припаѓа и на Албанците. Кога ме прашаа дали верувам дека ќе има албански премиер, кажав не само што верувам, но и ќе има, не само што јас верувам, туку и Суат ќе стане градоначалник на Чашка затоа што сите вие сте заедно. Вие ги соединивте списоците, се приклучивте на целта. Суат над личните интереси ги има ставено главните интереси, општиот интерес на ваша услуга, за подобар живот, за подобри училишта, за уште подобри здравствени услуги, за инфраструктура, водоводна мрежа и никогаш нема да му недостига поддршка за постигнувањето на овие цели, рече Ахмети.
Првиот вицепремиер Артан Груби побара од жителите на Чашка максимална поддршка за кандидатот Суат Шаќири, за реализација на проектите од зелена агенда, за да се запише историјата во Чашка, докажувајќи дека градоначалник Албанец може да биде градоначалник со ефикасна услуга за сите граѓани.
-Кичево од 2013 година е Чашка од 2021 година. Чаир од 2005 година е Чашка од 2021 година. Струга од 2005 година е Чашка од 2021 година. Пренесете ја веста што Али Ахмети ви ја донесе вечерва овде, не оставајте куќа без да ја посетите, не оставете ги луѓето без да ги информирате затоа што вие денес пишувате историја. Го правите Чаир, ја правите Струга, ја правите Кичево, вие браќа ја правите Чашка со Суат Шаќири, рече Груби.
ДУИ работи за сите, рече, а Али Ахмети ја направи оваа земја земја членка на НАТО.
-Али Ахмети ќе ја направи оваа земја членка на Европската унија. Али Ахмети, како што ги направи сите овие работи, и како што го направи Косово Република, ќе ги направи браќа и Чашка со градоначалник Албанец, истакна Груби.
Министерот за економија Крешник Бектеши ја истакна улогата на дијаспората, опишувајќи ги како најголеми активисти за развој и благосостојба на нашата земја.
-Доаѓаме од различни градови, и во Владата нема директно претставници на Чашка, но ве уверувам дека сите ние сме Чашка! Зошто го велам ова, затоа што кога се делат проектите, сигурно има лобирање од Тетово, Чаир, Кичево, Струга, доаѓаат претседателот и вицепремиерот и ни вели ќе отстраниш по еден проект од секоја општина и ќе и помогнеш на Чашка, ќе му помогнете на Крушево, на општините со кои не управуваат кадар Албанец, рече Бектеши во својот говор.
Кандидатот за градоначалник во Чашка, Суат Шаќири ги покани граѓаните да го заокружат бројот 3, да гласаат за заедничката листа на општински советници, нарекувајќи го големо достигнување поради обединувањето на сите албански политички партии.
-Во една прилика му пријдов на лидерот на ДУИ со сето чувство што го имав и му кажав само нешто, јас реков: Лидер, се собравме! Ми рече, имате целосна автономија да ги обединиш Албанците во општина Чашка. Заедничката листа ги надминува партиските амбиции, заедничката листа ги надминува личните интереси, оние кои се за лични интереси знаат каде им е местото, рече Шаќири.
Демократската Унија за Интеграција за време на кампањата ќе ги посети сите градови, општини и населени места за да ја претстави перспективата што ја нуди зелената агенда и кандидатите посветени на нејзината принципиелна имплементација по преземањето на функцијата на локалните избори на 17 октомври.
