Аријан Адеми по враќањето во Хрватска го коментираше Европското првенство во фудбал на кое што Македонија беше за прв пат земја учесник.
„Јас сум горд што со Македонија играв на Европското првенство. Се чувствувам среќен за настапот, но жал ми е што не направивме чекор повеќе. Неискуството нè чинеше многу, не се снајдовме најдобро, а ни недостигаше и среќа. Најдобро ќе го паметам мечот со Австрија. По атмосферата на навивачите кои ни беа „ветер во грб“ во текот на целиот турнир. Секако, ќе го паметам ова првенство и по простувањето на Горан Пандев од националниот дрес. Тој даде многу за Македонија, па затоа му направивме „шпалир“ со Холандија.
Неговото заминување беше емотивно, не само кај мене, туку кај сите во репрезентацијата и фановите. Пандев е легенда на Македонија. Сигурен сум дека ќе ни недостига во квалификациите за Светското првенство. Пандев беше наш капитен, лидер, но пред сè голем човек“, изјави Адеми.
