УЕФА, најголемата куќа на европскиот фудбал, не ја поддржа идејата на ФИФА, за Светското првенство на секои две години.
Последниве месеци во многу случаи се разговараше за предлогот на ФИФА за Светското првенство да се одржува на две години, за разлика од сегашниот, кој се организира на секои четири години, но оваа идеја категорично ја отфрла УЕФА.
Претседателот на оваа институција Александер Чеферин отворено се изјасни против овој предлог, па дури изрази уверување дека таков проект нема да се реализира.
„Сигурен сум дека тоа нема да се случи бидејќи тоа е целосна глупост“, рече тој.
Тој додаде дека ваквиот проект ќе го уништи фудбалот со оглед на и онака исклучително напорниот распоред до кој играчите мора да се придржуваат поради големиот број на натпревари на кои учествуваат.
„Тоа е популистички проект кој би го уништил фудбалот, тој е во спротивност со сите принципи на нашиот спорт и оние на Олимписките игри. Неверојатно е што една фудбалска организација може да им предложи на нивните играчи – на чело на веќе напорниот распоред – да играат турнир во траење од еден месец секое лето“, заклучи тој.
