Фудбалерите на Барселона вчера на домашен терен го победија Леванте со 3: 0.
Каталонскиот клуб прекина серија лоши резултати и успеа да победи, а Роналд Куман вчера не беше на клупата на Барселона.
Холандскиот стручњак доби директен црвен картон во последното коло против Кадиз и поради тоа беше суспендиран на два натпревари, а вчерашниот натпревар го водеше неговиот помошник Алфред Шројдер.
Меѓутоа, Куман бил во постојан контакт со асистентот, Хенрик Ларсон, кој му кажувал на Шројдер што треба да направи за време на одредени ситуации.
Но, интересно е што камерите не го снимија Куман на трибините на Камп Ноу и многумина мислеа дека Холанѓанецот не дошол да го гледа натпреварот против Леванте.
Сепак, каталонскиот спорт објави дека Куман вчера бил на стадионот, но дека едноставно не сакал да биде во ложата каде што другите навивачи можат да го видат и евентуално да ги критикуваат слабите резултати.
Затоа, Куман одлучи да биде во приватниот сектор на стадионот Барса каде камерите и фотографи не можат да го фатат или фотографираат и поради тоа многумина мислеа дека тој воопшто не бил на стадионот.
Холанѓанецот доби многу критики во последните недели поради лошата игра и резултатите на клубот и навивачите дури бараат и негово отпуштање.
