Златан Ибрахимовиќ е познат во светот на фудбалот како многу контроверзна личност.
Во својата богата кариера, која се уште трае, Златан секогаш сакаше да биде главен во соблекувалната, а кој се обиде да му се спротивстави, не се снајде баш најдобро.
Неговиот поранешен соиграч од ЛА Галакси, Ешли Кол, откри многу интересни работи за шведскиот напаѓач.
„Имаше две личности. Беше одличен со нас во соблекувалната. Беше тивок и скромен, но Бог беше пред медиумите“, рече Кол, додавајќи:
„Имаше моменти кога ќе дојдеше во соблекувалната и кога јасно им кажуваше на соиграчите дека играат очајно. Но, пред медиумите, неговото однесување беше сосема поинакво“.
Кол исто така имаше блиска средба со Златан.
„Се обиде еднаш да се расправа со мене. Ги крена рацете во воздух, а јас му реков: ‘Спушти ги рацете. Јас сум мртов сериозен’. Си помислив: ‘Можеби си во право, но не кревај раце“.
Златан често знаеше и во другите тимови да биде во конфликт со соиграчите, а се уште се зборува за неговиот жесток судир во Милано со американскиот фудбалер Огучи Ониеву.
