Легендарниот Франк Рибери има нов клуб. Тоа е новиот италијански прволигаш Салернитана. Попладнево Французинот и официјално беше промовиран во нов играч на стадионот, кој практично навивачите на овој тим го „запалија“. Секако дека такво нешто беше за очекување со оглед на тоа дека и покрај тоа што е во изминати години, не е оној кој што беше пред 5-6 години, сепак Рибери е големо фудбалско име. Освен на искуство, Рибери на Салернитана сигурно ќе и донесе и на популарност.
Инаку, Салернитана, која е од гратчето Салерно, по пауза од 23 години се врати во италијанската Серие А. По две кола има два порази и сигурно дека сезонава ќе се бори за опстанок, доколку во зимскиот преоден рок не сменат нешто.
Инаку, според информациите Рибери уште оваа сезона ќе ја одигра, па потоа ќе се повлече. Откако ќе се повлече од активното играње на фудбалот, ќе добие функција во Баерн Минхен.
