По девет години играње за Реал, потоа три за Јувентус, се врати на Олд Трафорд, и сега даде интервју објавено на официјалната веб -страница на клубот.
Тој прво одговорил на прашањето какво е чувството да можеш повторно да се наречеш играч на Манчестер Јунајтед.
“Како што знаете, имам фантастична историја со овој клуб. Бев тука кога имав 18 години и секако среќен сум што сум дома по 12 години. Среќен сум поради тоа и со нетрпение го очекувам првиот натпревар “, одговорил Роналдо, па го открил и влијанието на сер Алекс Фергусон при неговото враќање.
“Сите знаат, откако дојдов во Манчестер на 18 години, дека Сер Алекс Фергусон беше клучот за тоа. Се сеќавам кога играв за Спортинг Лисабон против Јунајтед. Тој е мојот фудбалски татко. Тој ми помогна многу, ме научи на многу работи и секако одигра голема улога поради врската што ја имавме.Не изгубивме контакт, тој е неверојатна личност.За мене тој беше клучната личност за да се најдам во позицијата во која сум сега, за што потпишав со Манчестер Јунајтед. ”
“Одлуката за враќање е најдобрата можна. Пристигнав од Јувентус во Манчестер, следува ново поглавје. Среќен сум поради тоа, сакам да продолжам да пишувам историја, да му помогнам на Манчестер да постигне одлични резултати и да освојува трофеи”, додаде Роналдо.
Тој кратко разговарал со Оле Гунар Солскјер и неговите идеи за Јунајтед.
“Разговаравме кратко, но секако дека ќе разговараме приватно за да знам што очекува. Знаете дека играв со него две или три години во Манчестер Јунајтед, имаме добри односи, но сега нашите улоги се различни. Тој е тренер, јас сум играч. Тој може да смета на мене, дојдов да помогнам да се постигнат добри резултати и подготвен сум на се` “.
На крајот, Роналдо испратил порака до фановите.
“Тие се најважни во фудбалот. Со нив на трибините, по една година играње на празни стадиони, ќе биде поинаку. Фановите на Јунајтед се посебни, го знам тоа, добро ги паметам. Знам дека тие се уште ги пеат моите песни , што ме натера да се чувствувам уште посреќно, и затоа ќе дадам се од себе на теренот како што давав порано и како што секогаш давам, мојот максимум.Ќе му помогнам на тимот да постигнува голови, да асистирам, да победиме. Се надевам дека ќе се видиме многу , многу наскоро“, завршил Роналдо.
