Вардар во драматичен финиш загуби во Загреб со 22-25, но благодарение на победата во Скопје од 24-20 оди на фајнл-фор турнирот во СЕХА лигата.
Натпреварот почна со цврста одбрана на двете страни, Вардар поведе со 1-3, но Загреб набрзина стигна до пресврт, промашувајќи и зицер при резултат 4-3. Тоа беше знак за нова мини-серија на „вардарци“, кои поведоа со 5-6, но потоа дојде до огромна криза во играта во напад на избраниците на Веселин Вујовиќ, кои цели девет минути беа без постигнат погодок. Загреб го искористи тоа и поведе со 8-6, а потоа пред крајот на полувремето домаќините имаа и 10-7. Вардар пред самиот крај на првиот дел успеа да израмни преку Тото, па на одмор се замин со водство на хрватскиот првак од 12-10.
Во вториот дел домаќинот беше цели осум минути без гол. Во 40.минута со гол на Тото, Вардар дојде на 15-14. Томовски продолжи да блеска на голот на Вардар. За одбележување беше 45.минута, а Вардар водеше со 16-17. Потоа Вардар играше одлично, па во 49.минута имаше плус два, 17-19. Талески со три гола за 20 минути, го најави триумфот на вардарци. До крајот на дуелот, домаќинот победи со 25-22, но пирова беше таа победа.
Дибиров со пет голови беше најефикасен кај Вардар, четири постигна Тото, по трипати реализираа Талекси и Стоилов. Одличен на голот беше Томовски со 12 одбрани. Кај Загреб, Лиемар, Обрановиќ и Мандиќ постигнаа по четири гола, Чупиќ даде три.
Фајнл-фор турнирот се игра овој викенд во Задар, Вардар ќе игра против Мешов Брест, а во другото полуфинале се среќаваат Веспрем и Мотор Запорожје.
