Неговиот тим во првото коло одигра нерешено, а синоќа во втората рунда загуби дома од Емполи (0:1). Јувентус има лош старт на сезоната, освои само еден бод од натпреварите со Удинезе и Емполи, особено лошо одиграа синоќа.
– Мораме да бидеме трпеливи, да играме како тим и да не се обидуваме да ги решаваме проблемите изолирано. Треба да работиме понапорно, но овие два кикса неизбежно ќе ни користат. Не можеме да претпоставиме дека ќе преземеме иницијатива и ќе го контролираме секој натпревар. Потребна ни е смиреност што ја има секој одличен тим. Очигледно, загубивме пет бода, но мора да учиме од ова, изјави Алегри.
Ова беше и прв натпревар за Јувентус по заминувањето на Кристијано Роналдо.
„Кристијано помина три години во Јувентус, постигнуваше голов, што е многу добро, тој е исклучителен фудбалер, но не можеме уште да мислиме на Роналдо. Имам добар состав, но мора да сфатиме дека не можеме да доминираме на секој натпревар. Оптимист сум како и секогаш“, вели Алегри.
„Тешките моменти ќе ни помогнат да напредуваме, мора да ги поедноставиме работите, да бидеме сплотени, многу од фудбалерите направија грешки кои вообичаено не ги прават“.
„Сфативме што не требаш да правиме во Удине, овојпат научивме друга лекција од Емполи. Јасно, загубивме пет бода, но треба да ги научиме лекциите од овие два натпревари и да продолжиме понатаму“.
