Египќаните неодамна го објавија списокот на играчи на кои ќе сметаат на Олимписките игри што ќе се одржат ова лето во Токио.

Олимписките игри започнуваат на 22 јули и ќе траат до 7 август и се чини дека нè очекуваат многу возбудувања во борбата за златниот медал во фудбалот.

Шпанците одлучија да ги поканат најдобрите играчи со кои располагаат и јасно е дека сакаат да стигнат до златото на Олимписките игри.

Што се однесува до Египет, како што се очекуваше, на списокот се најде и Мохамед Салах, кој е убедливо најголемата sвезда во оваа земја. Сепак, по објавувањето на списокот, пристигна студен туш за Египќаните.

Sky Sports утрово објави дека Ливерпул одлучи да му забрани на Салах да оди на Олимпијада. Според правилата на ФИФА, клубовите имаат право на тоа, дека „црвените“ го повлекоа тој потег.

Ливерпул изјави дека распоредот е едноставно претесен за Салах да замине на ОИ, иако тој покажа голема желба да игра за својата репрезентација во Токио.

“Долго време разговаравме со Ливерпул затоа што Салах сака да оди на Олимпијада, но клубот не му дозволува да го стори тоа. Знаевме пред еден месец дека нема да го пуштат. Сепак, ние ја почитуваме таа одлука. Имавме неколку преговори со нив, но тие не попуштија.“ порачаа од ФС Египет.

Олимпијадата завршува на 7 август, а само седум дена подоцна се очекува стартот на Премиер лигата, па Ливерпул сака нивниот најдобар играч да биде максимално одморен и подготвен за новата сезона.

ПОВРЗАНИ НАПИСИПОВЕЌЕ ОД АВТОРОТ