Денеска се крена голема прашина од некои европски клубови кои не се откажуваат од организацијата на Суперлигашкото натпреварување во кое би играле само оние најсилните клубови на Стариот континент.
Денес беше објавено дека 11 клубови од Шпанија, Англија и Италија потпишаа договор за формирање на Суперлигата. Тие имаат за цел да воспостават натпревар во кој ќе играат само најсилните, и секако дека би имале огромен приход од ТВ-правата.
Планот е ова натпреварување да се состои од 16 постојани клубови кои би играле во Суперлигата и уште четири клуба кои би изборија место на националните шампионати. Клубовите би биле поделени во две групи со по десет екипи, а во четвртфиналето ќе се пласираат четири клуба од двете групи.
Многу медиуми денес објавија дека овој документ е потпишан од 11 клуба, и дека Манчестер Сити е единствениот што не го кажал својот став. Исто така, познато е дека клубови од Германија и Франција одбија да бидат дел од ова натпреварување.
Според објавената информација, потписници за почетокот на Суперлигата се Реал Мадрид, Тотенхем, Манчестер Јунајтед, Ливерпул, Барселона, Арсенал, Атлетико Мадрид, Милан, Јувентус, Интер и Челзи.
Сепак, Барселона денес реши веднаш да ја реши дилемата зошто го одобри формирањето на Суперлигата. Имено, тука е потписот на сега веќе поранешниот претседател Жозеп Марија Бартомеу, кој силно се залагаше за ова натпреварување, но очигледно е дека новиот претседател на Барса, Жоан Лапорта, не го сака тоа.
Да бидат работите уште полоши за каталонскиот клуб Бартомеу тоа го стори само неколку дена пред неговата оставка. Откако поднесе оставка, тој гордо рече дека потпишал документ за Суперлигата, иако очигледно никој во клубот не го сака тоа.
За среќа, тоа не значи конечна одлука дека Барселона сака почеток на натпреварувањето затоа што клубот е „во сопственост“ на навивачите и потписот на претседателот не е конечна одлука. Барселона не го сака ова натпреварување со доаѓањето на Лапорта и останува да видиме што ќе се случи.
Како идеен творец на ова натпреварување се истакнува Флорентино Перез, кој наводно ќе биде претседател на Суперлигата. Тој имаше голема поддршка и од Жозеп Марија Бартомеу, но доаѓањето на Лапорта ги уништи неговите планови.
