Објавена е нова листа на најомразените земји во светот за 2026 година, а на самиот врв, и покрај актуелните конфликти на Блискиот Исток, се најде Кина. Веднаш зад неа следуваат САД на второто и Русија на третото место, со што овие три светски сили продолжуваат да доминираат на врвот на оваа листа.
Ставовите за другите земји зависат од низа фактори – од потезите на владите и воените интервенции до доминантната култура, религија или однесувањето на туристите. Иако не постои единствен и конечен список на најомразени земји, со комбинирање на различни извештаи и истражувања на јавното мислење може да се забележат одредени глобални трендови, објави World Population Review, пренесе „Индекс“.
20 најомразени земји во светот во 2026:
Кина
САД
Русија
Северна Кореја
Израел
Пакистан
Иран
Ирак
Сирија
Индија
Обединето Кралство
Јапонија
Саудиска Арабија
Германија
Нигерија
Турција
Јужна Кореја
Авганистан
Филипини
Италија
Како големи глобални сили, Кина, САД и Русија се соочуваат со значително непријателство ширум светот. Главните причини се нивните империјалистички тенденции и мешањето во економските, политичките и воените прашања на помалите земји.
Покрај тоа, граѓаните на секоја од овие држави често имаат изразено негативно мислење за останатите две. Земји како Саудиска Арабија и Северна Кореја редовно се наоѓаат на листата поради авторитарните режими и прекршувањето на човековите права, додека Израел е на петтото место.
„Кина често се перципира како најомразена земја во светот. Со неа управува авторитарен режим кој се смета за силно репресивен. Негативната перцепција произлегува од широк спектар причини: контрола на владата врз компаниите, корупција, присилна работа и производство со евтини и токсични материјали“, наведува World Population Review.
„Кина е и најголемиот светски загадувач. Владата одбива да ја признае независноста на Хонг Конг, Тајван и Макао, а обвинета е и за ‘дипломатија на должничка замка’ кон земјите во развој. Интернетот е строго цензуриран, човековите права редовно се прекршуваат, а правниот систем не нуди фер постапка. Дополнително, владата е обвинета за геноцид врз Ујгурите, додека контроверзниот фестивал на кучешко месо во Јулин дополнително го нарушува нејзиниот меѓународен имиџ“, се наведува во извештајот.
Иако за многу Американци тоа може да изгледа изненадувачки, САД се високо на листата на најомразени земји.
„Главната причина за анимозитет е склоноста на земјата да влијае врз меѓународните случувања во своја корист, често со испраќање војска во други земји како Виетнам, Авганистан или Ирак. Она што САД го смета за лидерство, други го гледаат како опресија, особено кога тоа вклучува поддршка на спорни режими. Американската култура исто така е предмет на критики поради длабоката политичка поделба, пристрасните медиуми, перцепцијата за супериорност, бавниот одговор на пандемијата КОВИД-19 и недостигот на напредок во области како што се ЛГБТК+ правата, заштитата на животната средина и здравствената заштита“, се наведува во извештајот.
За многумина, Русија е најомразената земја во светот, но изгледа дека Москва не се грижи премногу за таа репутација.
„Претседателот Владимир Путин продолжува со империјалистичките амбиции, а земјата брзо се впушта во воени конфликти, што најјасно се виде со инвазијата врз Украина во 2022 година. Русија е позната и по сојузништвата со други непопуларни режими, како оние во Сирија и Северна Кореја. Особено е непопуларна во САД поради Студената војна, трката во вооружување и вмешувањето во американските претседателски избори во 2016 година. Руската влада е позната и по строгите ограничувања на личните слободи и демократијата“, заклучува World Population Review.
Фото: Depositphotos
Текстот Топ 20 најомразени земји во светот е превземен од МАКФАКС.
