Фудбалерот на Барселона, Френки де Јонг е во напредни преговори со Ливерпул, пренесуваат шпанските и англиските медиуми.
Веста за преговорите ја потврди и спортскиот директор на Барселона, Деко. Иако со месеци се шпекулира за иднината на Де Јонг, дури сега каталонскиот клуб е подготвен да го продаде Холанѓанецот.
Актуелниот договор на Де Јонг со Барселона истекува во јуни 2026 година, па раководството на клубот смета дека сега е вистинското време да го продаде за да заработи од неговиот трансфер.
Каталонците ќе бараат отштета од 40 милиони евра, додека Ливерпул е подготвен да плати 35 милиони, но се претпоставува дека брзо ќе се договорат.
Френки Де Јонг пристигна во Барселона во 2019 година по одличната сезона во Ајакс.
Текстот Ливерпул во преговори за трансферот на Де Јонг е превземен од МАКФАКС.
