Шпанскиот прволигаш Валенсија влезе во напредни преговори за ангажман на Енис Барди, пишува „Ел Гол Дигитал“.
Македонскиот репрезентативец е член на турскиот Трабзонспор, но има најави за негово враќање во Шпанија, од каде интерес покажуваат и Џирона и Осасуна.
Барди во минатото го носеше дресот на градскиот ривал Леванте, но не би имал против да се врати во Валенсија каде живееше долго време,
Валенсија сака да го добие Барди на заем за претстојната сезона, а Трабзонспор би се сложил на таков договор доколку шпанскиот тим ги преземе сите обврски од неговиот договор.
