Деветгодишно дете е спасено оваа недела во источна Франција, откако од 2024 година било заклучено во комби на неговиот татко, соопшти локалниот јавен обвинител. Детето е пренесено во болница, а таткото е уапсен, објави Асошиејтед прес.
Според обвинителот Николас Хајц, полицијата била алармирана од сосед кој слушнал „детски звуци“ од комби во селото Хагенбах, близу швајцарската и германската граница.
Кога насилно го отвориле комбито, полицајците го пронашле детето „во фетална положба, голо, покриено со ќебе врз куп отпад и покрај измет“. Детето било видно потхрането и не можело да оди, бидејќи предолго било во седечка положба.
Таткото изјавил дека го сместил синот во комби во ноември 2024 година „за да го заштити“, тврдејќи дека неговата партнерка сакала да го испрати во психијатриска болница. Обвинителството нагласува дека нема медицински записи за психијатриски проблеми кај детето, кое во училиштето имало добри оценки.
Против таткото е подигната прелиминарна обвинителна постапка за киднапирање и други кривични дела, а одреден му е и истражен затвор. Партнерката негирала дека знаела за дека детето е затворено во комбе, но и против неа е покрената постапка за непружaње помош на малолетник во опасност.
Фото:Депозитотос
Текстот Деветгодишно дете извадено од комбе во кое било заклучено од 2024 година во Франција е превземен од МАКФАКС.
