Координаторот на пратеничката група на СДСМ, Оливер Спасовски, на денешната собраниска седница на која што на дневен ред беше Предлогот за избор на диектор на Регулаторната комисија за енергетика, посочи дека изборот за претседател на Регулаторна комисија за енергетика не смее да помине без ниту една дискусија и не треба апсолутно да не се потсети на тоа што беше претходно кажувано, заради тоа што ова е директна потврда на тоа што и како прави ВМРО-ДПМНЕ додека е опозиција, а како и на кој начин се однесува додека е власт.
Спасовски укажа дека е јасно дека новиот директор е партиски член, но и потенцираше дека тоа што се јавува како сопственик на хидроцентрали и енергетски компании, го отвора за независноста на Регулаторната комисија за енергетика.
„Предлогот за избор на претседател на Регулаторната комисија за енергетика за поранешниот градоначалник на Радовиш од редовите на ВМРО-ДПМНЕ, јас нема да го напаѓам од аспект на тоа дека бил партиски член. Да, е партиски член и од тоа нема бегање никакво, дека е партиски член. Меѓутоа принципот кој што сакавте да го држите дека ќе ги промените работите во Македонија, дека ќе го смениме системот во Македонија од тоа што било претходно, апсолутно покажувате дека дополнително го менувате, меѓутоа на полошо“.
Кандидатот којшто го предложивте за претседател на регулаторна комисија, посочи Спасовски, е сопственик на три мали хидроцентрали, а неговата матична фирма, како што рече, остварува удел и во енергетската сфера преку компанијата „Екотера“, која поседува одобренија за изградба на вакви енергетски објекти.
„Во фирмата „Хидронерџи Груп“ којашто исто така се занимава со енергетика, каде што Ристов е еден од сосопствениците и „МХЦ Козја река“ лоцирана во близина на Радовиш, проекти коишто се направени во околината на Радовиш. Единствено нешто што можам да го разберам како прифатлив критериум на ВМРО-ДПМНЕ е тоа да има хидроцентрали за да добие одредена позиција во рамките на партијата.
И покрај падот којшто го прикажува во 2024 година на фирмата, дека има пад во приходите, сепак остварува добивка од околу 400.000 евра. И сега замислете ја продава фирмата, ја отуѓува на кого? На Ѕвезда Андонова, неговата сметководителка која што до тогаш му води сметководство, продолжува и понатаму. И тоа е рецепт познат којшто се прави во овој дел. И сега независниот претседател на регулаторната комисија ќе одлучува за регулирање на цената на електричната енергија за граѓаните низ призма како неговите фирми ќе остваруваат профит“.
Текстот Спасовски: ВМРО ја партизира и Регулаторната комисија за енергетика е превземен од МАКФАКС.
