Израелската војска изрази жалење откако синагога во Техеран беше оштетена во ракетен напад извршен претходно денес.
„ИДФ жали за колатералната штета на синагогата и нагласува дека нападот беше насочен кон висока воена цел во рамки на вооружените сили на режимот, а не кон верски објект“, се наведува во соопштение испратено до „Си-Ен-Ен“.
Во соопштението се додава дека целта бил висок командант во штабот Кхатам ал-Анбија, кој го користат иранските вооружени сили, и дека пред нападот биле преземени мерки за да се намали штетата врз цивилите.
Оштетувањето на синагогата се случило во пресрет на крајот на Пасха, еврејски празник кој го одбележува излезот на Израелците од египетското ропство.
Според „Си-Ен-Ен“, фотографии и видеоснимки објавени од ирански медиуми прикажуваат голема штета на синагогата Рафи Нија, со книги на хебрејски расфрлани меѓу урнатините.
Иранската новинска агенција ИСНА соопшти дека синагогата, „едно од верските средишта на еврејската заедница во Техеран кое потекнува од периодот на Пахлави II“, е „целосно уништена во воздушен напад“.
Според податоци наведени во текстот, пред револуцијата во 1979 година во Иран живееле околу 60.000 Евреи, додека според пописот од 2016 година, нивниот број е намален на нешто помалку од 10.000.
Текстот Израел оштети синагога во Техеран: Жалиме за колатералната штета е превземен од МАКФАКС.
