На прес-конференција, пратеникот од ВМРО-ДПМНЕ Бране Петрушевски обвини дека во 2020 година во Тетово биле донесени измени на деталниот урбанистички план со кои, како што рече, било овозможено реализирање на бизнис вреден 200 милиони евра.
Според него, станува збор за просторот на поранешниот комбинат ШИК Јелак, кој бил откупен од Миодраг Давидовиќ преку фирмата „Јелак Градба“.
Петрушевски тврдеше дека новиот ДУП бил донесен само еден ден по изборот на владата во 2020 година и дека предвидувал изградба на над 2.000 станбени единици, како и деловни објекти и трговски центри.
Тој оцени дека, според нив, станува збор за проект кој служел за бизнис интереси на тогашната власт.
Од ВМРО-ДПМНЕ порачаа дека се спротивставуваат на вакви одлуки и ги повикаа институциите да постапуваат.
Текстот (Видео) Петрушевски: СДС и ДУИ во Тетово донесоа измени во ДУП со кои директно му овозможија бизнис од 200 милиони евра на прорускиот бизнисмен Миодраг Давидовиќ – Дака е превземен од МАКФАКС.
