Членот на Централниот комитет на ВМРО-ДПМНЕ, Валентин Манасиевски, обвини дека лидерот на СДСМ, Венко Филипче, ја води партијата по насоки од поранешниот премиер Зоран Заев и негови соработници, со цел да ја зачува својата позиција.
„За да остане на фотелјата Филипче одбра СДС да биде прокси партија по насока на Заев и Башановиќ“, рече Манасиевски на прес-конференција.
Тој обвини дека, како што наведе, „чуварот на фотелјата Заев“ преку Филипче влијае врз одлуките во партијата, посочувајќи дека средбите на Филипче во Ниш и во Грција со Башановиќ и Шчекиќ, за кои, според него, нема одговори во јавноста, се доказ за таквото влијание.
„Молкот за средбите на Филипче во Ниш и во Грција со Башановиќ и Шчекиќ е чист доказ дека Заев му ги средува и ден денес работите, само за да му ја чува фотелјата, и тој да управува со него“, изјави Манасиевски.
Според него, Филипче, како што рече, „без двоумење ги слуша наредбите“ и ги пренесува во јавноста, а комуникациската стратегија на СДС се темели на „лажни вести, манипулации и клевети“.
Манасиевски оцени и дека, според него, СДСМ, која ја предводеле Заев, Димитар Ковачевски и Филипче, се соочува со пад поради, како што рече, лоши политики.
„Од некогаш големата СДС, Заев со Ковачевски и Филипче успеа партијата и со нивните лоши политики да ја тоне без да може никој да ја спаси“, изјави Манасиевски.
Текстот За да остане на фотелјата, Филипче одбра СДСМ да биде прокси партија по насока на Заев и Башановиќ, рече Манасиевски е превземен од МАКФАКС.
