Најмалку едно лице е убиено во напад врз два танкери за нафта во Персискиот Залив, соопштија ирачките власти рано утрово, додека Саудиска Арабија и Кувајт соопштија дека собориле беспилотни летала на нивна територија.

Нападот, кој се случил во ирачките територијални води, е кршење на суверенитетот на земјата, изјави портпарол на ирачката војска, според државната новинска агенција ИНА. Шест бродови биле испратени да им помогнат на екипажите на двата танкери што биле нападнати, рече тој.

Танкерите биле погодени во близина на пристаништето Ум Каср во јужен Ирак. Портпаролот додаде дека едно лице е убиено меѓу вкупно 38 членови на екипажот на двата танкера.

Првичната истрага на ирачките безбедносни службеници покажа дека бродови натоварени со експлозиви од Иран ги погодиле двата танкери, објавија Ројтерс и Си-Ен-Ен. Бродовите се „Сафесиа Вишну“ со знаме на Маршалските Острови и „Зефирос“ со знаме на Малта, изјавија двајца ирачки пристаништни службеници.

Уште неколку бродови во Персискиот Залив биле нападнати со ракети, соопштија поморските власти.

„Ова се чини дека означува директен и силен ирански одговор на синоќешната најава на ИЕА за масовно ослободување на стратешки резерви за смирување на вртоглавите цени“, рече Тони Сикамор, аналитичар во IG.

Текстот (Видео) Иран сè повеќе напаѓа танкери во Заливот: два танкери горат во Ирак е превземен од МАКФАКС.

ПОВРЗАНИ НАПИСИПОВЕЌЕ ОД АВТОРОТ