Претседателката на Европската комисија, Урсула фон дер Лајен, денес на отворањето на вториот нуклеарен самит во Париз изјави дека нуклеарната енергија и обновливите извори на енергија претставуваат најдобар и најмоќен енергетски микс и рече дека Европа повторно може да биде лидер во светот во нуклеарната технологија.
„Намалувањето на уделот на обновливите извори, гледано од денешна перспектива, беше стратешка грешка за Европа, да му го сврти грбот на сигурен, достапен извор на енергија со ниски емисии. Ова треба да се промени од две добри причини. Прво, затоа што нуклеарната енергија и обновливите извори играат клучна улога. Токму комбинацијата е најмоќна. Затоа што она што ни треба е најдобриот целокупен енергетски микс – чист, достапен и отпорен, но и европски“, нагласи фон дер Лајен во обраќањето, на кое присуствуваше и претседателот на Франција, Емануел Макрон.
Како што рече таа, обновливите извори произведуваат електрична енергија по најниска цена, но ова производство е нестабилно.
„Затоа мора да инвестираме во складирање и флексибилност на побарувачката и да ја градиме нашата мрежа. Нуклеарната енергија е сигурна и обезбедува електрична енергија во текот на целата година, 24 часа на ден. Значи, најефикасниот систем ги комбинира нуклеарната и обновливата енергија и се базира на складирање, флексибилност и мрежа“, рече претседателката на ЕК.
Друга причина, вели таа, е тоа што Европа беше пионер во нуклеарната технологија и повторно би можела да го предводи светот во тоа.
„Нуклеарните реактори од следната генерација би можеле да станат европски и високотехнолошки, со висока извозна вредност. И тоа нè доведува денес во Париз. Во последниве години бевме сведоци на глобално оживување на нуклеарната енергија, а Европа сака да биде дел од тоа“, изјави фон дер Лајен.
Таа додаде дека Европа ги променила правилата минатата година за да ја прошири поддршката за нуклеарна фисија и гориво.
EK е основана и е првото индустриско здружение на мали модуларни нуклеарни реактори (SMR) во светот, истакна таа.
Овој сојуз ги здружува заинтересираните страни, индустријата и истражувачите за да ги надминат пречките во дизајнирањето и изградбата на нуклеарни електрани, кои нудат пофлексибилно и побезбедно енергетско решение во споредба со традиционалните
Таа потсети дека ЕУ инвестира и во истражувања за примена на нуклеарна фузија, за што се издвоени повеќе од пет милијарди евра од буџетот на ЕУ, бидејќи оваа технологија има огромен потенцијал за чиста енергија.
Текстот Фон дер Лајен: ЕУ може да биде лидер во нуклеарната технологија е превземен од МАКФАКС.
