Политиките на СДС со Заев и Филипче ја оддалечија Македонија од демократските стандарди, а ја приближија кон руската политика, вели Миле Лефков, пратеник на ВМРО-ДПМНЕ.
Ккао што оценува, политиките на СДС со Заев и Филипче ја направија Македонија да биде хибриден режим, со слични карактеристики на владеење како на Путин и Лукашенко.
„Онишченко и Борче Марковски, кои се блиски соработници до Путин и Лукашенко, се лица кои власта на СДС, Заев и Филипче им ја отвори вратата да дојдат, да се вдомат и да водат бизниси.
По некое време, едниот е осуден на 15 години затвор, другиот седи на обвинителна клупа. Само вакви криминални ликови успеваа во времето на СДС, на Заев и Филипче.
Ваквите лоши политики кои не се во интерес на Македонија, на СДС им зададоа сериозен удар, како на национално, така и на интернационално ниво“.
ВМРО-ДПМНЕ, додава тој, води политика која е базирана на договори со ЕУ, и држави како САД и Велика Британија. Само на тој начин ќе успееме да го зачуваме интегритетот и достоинството на државата.
