Дваесет и шест земји се подготвени да учествуваат во меѓународните сили како дел од безбедносните гаранции за Украина во случај на мировен договор со Русија, објави денес францускиот претседател Емануел Макрон по самитот на сојузничките земји во Киев.
„Како форма на зајакнување на мирот, 26 земји се обврзаа да распоредат војници во Украина, каде што ќе бидат присутни на копно, на море или во воздух“, изјави Макрон пред новинарите, стоејќи до украинскиот претседател Володимир Зеленски во Елисејската палата во Париз.
Францускиот претседател не кажа кои земји ги понудија своите војници, но се знае дека Франција и Велика Британија се меѓу нив.
„Вечерњи лист“ објави дека Хрватска не е меѓу земјите кои се подготвени да испратат војници во Украина, ниту пак се Италија и Полска.
Макрон рече дека тој, колегите европски лидери и украинскиот претседател имале телефонски разговор со американскиот претседател Доналд Трамп по нивниот самит и дека придонесот на САД кон планираните гаранции ќе биде финализиран во наредните денови.
Текстот 26 земји се подготвени да испратат војници во Украина е превземен од МАКФАКС.
