Рут Ларсон (103) од Шведска постави светски рекорд во неделата попладне кога скокна со падобран во тандем во близина на Мотала, на околу 200 километри југозападно од Стокхолм.
Рут Ларсон полека се спушташе на земјата под светло синото небо, каде што ја чекаа нејзините помошници, јавува шведската телевизија СВТ.
„Горе беше прекрасно“, рече Ларсон додека се спушташе. Сведок на настанот бил претставник на Гинисовата книга на рекорди.
Ларсон, која потекнува од градот Мјолби, за новинската агенција ТТ изјавила дека и се допаѓа чувството да се спушта од небо и покрај нејзиниот слаб вид. Таа рече дека не била нервозна пред настанот бидејќи веќе скокнала во тандем во 2019 година. „Секогаш се спуштам“, рече таа.
Ларсон, го собори рекордот на Американката Кетрин Хоџис, која скокна од мал авион во близина на Сиетл во август 2019 година на возраст од 103 години и 129 дена.
