Има одредени работи што може да бидат компромитирани во врската, но има и такви за кои едноставно не се преговара.
Тие мора да бидат составен дел од секоја врска затоа што се клучни за нејзиниот квалитет.
1. Посветеност
Важно е и двајцата партнери да бидат подготвени за посветеност. Понекогаш е потребно да се вложи многу напор во функционирањето на врската, и тој напор мора да биде заемен. Поточно, посветеноста кон врската и работењето на врската мора да доаѓаат од двете страни, бидејќи само на тој начин врската може да напредува. Ако само едната страна се труди, а другата одмага, врската нема да има светла иднина.
2. Приврзаност
Може да биде физичка и емотивна, и обете се подеднакво важни за врската. Она што се цени се мали нешта што покажуваат наклонетост, односно приврзаност, а меѓу нив се, на пример, држење за рака и неочекувани мали комплименти. Со редовно покажување приврзаност, му покажуваме на партнерот колку е важен за нас и сакаме да го добиеме истото од него.
3. Редовна комуникација
Во здрава врска, секогаш можете да му кажете на вашиот партнер како се чувствувате без никакви проблеми, без страв од осуда или кавга. Секоја страна мора да има можност слободно да се изрази за добрите и лошите работи во врска.
4. Искреност
Сокривањето чувства или задржувањето на негативните емоции на крајот ја оштетуваат врската. Затоа е важно од почетокот на врската да практикувате искрена комуникација и врска без лаги.
5. Јасни намери
Ако едната страна сака сериозна врска, а другата порелаксирана, веројатно не е најдобрата идеја да се влезе во таква врска. Најдобри односи се оние во кои партнерите имаат јасна визија за нивната врска и иста визија за заедничка иднина.
6. Поставување приоритети
Во време кога врската е веќе зрела и доволно цврста, време е да зборуваме за приоритетите. Секој има право да ги постигне своите лични цели, а во исто време треба да дефинирате кои се вашите заеднички цели и планови.
7. Отворен ум
Иако не секој е љубител на нови работи, важно е да имате отворен ум и да истражувате во врската. Новите искуства ќе ја одржат живата искра во вашата врска. Покажете интерес за она што го интересира вашиот партнер и обратно, оставете му повремено да се вклучува во вашите омилени хоби активности.
8. Емпатија
Ниту една врска не може да функционира без емпатија, особено љубовната. Вашиот партнер мора да покаже сочувство кон вас, да ги разбере вашите проблеми и да работи за да ви ги олесни тешките ситуации и да не ги прави уште потешки со своето однесување.
9. Почитување
Заемното почитување е уште еден важен дел од квалитетните врски за кој не може да се преговара. Почитувајте го вашиот партнер, но не очекувајте ништо помалку од него. Никогаш не ставајте се во подредена положба затоа што заслужувате сè да ви се врати во иста мера.
10. Доверба
На крајот, важно е партнерите да си веруваат еден на друг. Љубомората е нормална само кога станува збор за разумни количини, разбирливи ситуации и кога не предизвикува големи проблеми или кавги. Секоја лоша постапка на партнерот влијае на количината на доверба што ја имаме во него и ја нарушува врската.
извор: kajgana
