Актерката Џенифер Анистон се подготвува за објавувањето на четвртата сезона од популарната драмска серија „The Morning Show“, која пристигнува на „Apple TV+“ на 17 септември.
Анистон ја глуми Алекс Леви во серијата, а за оваа улога ја освои наградата Screen Actors Guild во 2020 година.
Додека обожавателите со нетрпение го очекуваат враќањето на серијата, Анистон се појави на насловната страница на септемвриското издание на списанието „Венити фер“.
Таа зборуваше за многу теми во интервјуто, па дури и го спомена Илон Маск.
Иако малкумина би ја поврзале Анистон со Маск, неговото име се појави поради споредби со љубовниот интерес на нејзиниот лик со Пол Маркс, кој го игра миленикот на публиката од серијата „Mad Men“, Џон Хам.
Маркс е милијардер со голем интерес за ракетна индустрија. Ви звучи познато? Новинарот забележа дека ликот на Хам „наликува на Илон Маск“.
Но, актерката веднаш ја отфрли споредбата, велејќи за основачот на „Спејс Икс“: „Воопшто не го сметам за привлечен, на никаков начин“.
Патем, „The Morning Show“ не се срами да ги опфаќа настаните од реалниот живот и политиката, а Анистон за „Венити фер“ изјави:
„Правиш ТВ серија за политичко известување во многу поделена временска зона, а тоа може да биде тешко. Сакаш да им се допаднеш на сите твои гледачи“.
Во остатокот од интервјуто, Анистон се осврна и на тема за која ретко зборува, нејзиниот развод од поранешниот сопруг Бред Пит. Актерката во тој период го снимаше филмот „The Break-Up“.
„Беше некако катарзично да се снима тој филм. Кога ми ја дадоа понудата, беа малку нервозни бидејќи беа како: ‘О, дали е ова во ред или не е соодветно?’ Но, всушност чувствував дека ова е вистинската можност. Знаев дека може да ми користи, како човечко суштество, и дека ќе му служи добро на сценариото и на ликот“, рече Анистон.
фото: принтскрин
Текстот Џенифер Анистон за Илон Маск: „Воопшто не ме привлекува“ е превземен од МАКФАКС.
