Ѕвездата на серијата Wednesday, Џена Ортега, на 18 октомври се појави на свеченоста Academy Museum Gala носејќи метален топ во форма на лист, објави „E! Online“.
Дизајнот е дело на Грејс Линг и потекнува од нејзината колекција за пролет 2026. Топот, изработен од темен рефлектирачки метал, со овален дел што ги покрива градите и стебло што се обвиткува околу вратот, ги остави грбот и рамениците целосно откриени.
Комбинацијата ја надополнила со кафеаво свилено здолниште со низок струк, коса врзана во ниско опавче и драматична „smokey eye“ шминка.
Овој смел изглед потсетува на нејзиното издание на доделувањето на наградите Еми 2025, кога носеше топ на Givenchy направен целосно од испреплетени скапоцени камења.
Ортега и нејзиниот стилист Енрике соработуваат со години, создавајќи впечатливи модни комбинации инспирирани од нејзината љубов кон готската естетика.
„Отсекогаш сум ја сакала готската култура и тој потемен хумор — сега конечно можам да го изразам,“ изјавила Џена за Vogue во 2023 година.
Текстот Џена Ортега на црвениот тепих во метален топ со гол грб е превземен од МАКФАКС.
