Епидемиологот од Студентската поликлиника Мила Пауниќ денеска изјави дека корона вирусот постојано мутира и дека доколку не се вакцинираат доволно луѓе, ќе се создаде таква варијанта на вирусот што ни вакцинираните повеќе нема да бидат заштитени.
Како што изјави Пауниќ за РТС, состојбата во Студентската поликлиника од недела во недела се влошува, а се повеќе здравствени работници во таа установа боледуваат од корона.
Бројот на лекари и медицински сестри во поликлиниката се намалува. „Има зголемен број на пациенти, не се сеќавам дека имало толкав притисок во некој бран“, потенцира таа.
Пауниќ рече дека минатата недела биле извршени над 420 први прегледи, додека имало повеќе од 1.000 контролни прегледи.
Се уште не можам да разберам зошто младите не сакаат да се вакцинираат. Постковидот станува голем проблем дури и за младите луѓе кои имале блага клиничка слика“, истакна таа.
Republika.mk – содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
