Интензивно се работи на реконструкцијата на патот кој води кон Пеленица – една од фреквентните, но со децении запоставувани патни делници во овој дел на Скопје. По речиси три децении чекање, овој потег конечно ќе добие безбеден, функционален и достоен сообраќаен пристап за жителите на Кисела Вода, Драчево и околните населени места, информира градоначалникот на Општина Кисела Вода, Орце Ѓорѓиевски.
Изградбата се одвива на потегот од „Јустинијан Први“ до границата со Општина Студеничани, на делница долга 3.370 метри. Патот се проширува на ширина од околу 6 метри, а за првпат се воведува и тротоар од едната страна, што досега никогаш не постоел на оваа рута.
Покрај асфалтирањето, се поставуваат цевки за третирање на атмосферските води, како и каналетки за нивно безбедно одведување, со што, според Ѓорѓиевски, се решава еден од клучните проблеми – поплавувањето на патот при врнежи.
Текстот Ѓорѓиевски: По 30 години, Пеленица конечно добива современ пристапен пат е превземен од МАКФАКС.
