Шведска не ја исклучува можноста за испраќање трупи во Украина како дел од мировните сили по завршувањето на војната, пренесува шведското државно радио изјава на министерот за надворешни работи.
Шефот на шведската дипломатија Марија Малмер Стенергард ги даде овие забелешки откако британскиот премиер Кир Стармер објави дека е подготвен да испрати британски војници во Украина за да го зачува мирот, обидувајќи се да им покаже на САД дека европските земји мора да играат улога во разговорите за да се стави крај на војната, пишува Ројтерс.
„Прво мораме да преговараме за праведен и одржлив мир кој ќе го почитува меѓународното право и Украина, а пред се гарантира Русија едноставно да не се повлече, повторно да се засили и за само неколку години да ја нападне Украина или некоја друга земја“, рече Стенергард.
„Штом ќе постигнеме таков мир, мораме да се погрижиме тој да може да се одржи, а потоа нашата влада не исклучува ништо“, додаде таа.
Американскиот државен секретар Марко Рубио денеска пристигна во Саудиска Арабија пред најавените разговори со руските претставници за ставање крај на речиси тригодишната агресија на Русија против Украина.
Текстот Шведска: Не исклучуваме испраќање војници во Украина како дел од мировните сили е превземен од МАКФАКС.
