Четири месечно бебе кое итно треба да се оперира во болница во Бугарија е првиот пациент, кое ќе замине со новото возило со интензивна нега, објави Канал 5.
Двете нови возила донација од проектот „Хоуп“ се обзебедни со опрема за соодветен транспорт на предвремно родени бебиња и болни новороденчиња со цел да стигнат без никакви последици до болницата каде ќе се хоспитализира, вели директорката на Детската клиника Аспазија доктор Софијанова.
За бебињата кои треба итно да се хоспотализираат на Детската клиника или пак да заминат на лекување во странство се грижи посебен тим од клиниката.
Преку проектот „ХОУП“ се обезбедени две комплетно опремени возила со кои се овозможува навремен и соодветен транспорт на прематурни и болни новороденчиња до неонаталната интензивна нега на Детската клиника.
На завршниот настан на проектот ХОУП, министерот за здравство Беким Сали, рече дека се работи за значајна новина на Клиниката за детски болести со со цел во најбрз рок да се обезбеди потребниот третман за тие дечиња.
Нашата цел е со примената на стандардните оперативни процедури и протоколи и со стручната едукација на персоналот да придонесеме кон намалување на стапката на доенечки морталитет, особено имајќи предвид дека првпат во поширокиот регион се овозможува ваква здравствена услуга за најмладите пациенти, рече Сали.
Вредноста на оваа инвестиција е околу 700 илјади долари, додека во рамки на целокупниот „ПериМак“ проект досега се обезбедени над 4 милиони долари.
Republika.mk – содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
