Црна Гора ќе го поддржи Косово во барањата за членство во меѓународните организации. Ова го потврди денеска вршителот на должноста премиер на Црна Гора, Дритан Абазовиќ по средбите со премиерот на Косово, Албин Курти во Приштина. Абазовиќ рече и дека и покрај некои политички процеси во Подгорица, официјалната политика на Црна Гора кон Косово нема да се промени. (Изјава)
Advertisements
„И во Црна Гора се случија некои политички процеси, но тоа нема да ја промени официјалната политика кон Косово. Можете да сметате на Црна Гора и тоа ќе бидат меѓународните активности на Косово во иднина. Ние сме повеќе од подготвени да поддржиме колку што можеме“, изјави Дритан Абазовиќ, премиер на Црна Гора.
„Задоволни сме од фактот што Црна Гора ратификуваше три договори за мобилност на заедничкиот регионален пазар во рамките на Берлинскиот процес. Правилата на Европската Унија, унапредувањето на демократијата и владеењето на правото и зајакнувањето на трансатлантската алијанса се став, цел и заложба на Република Косово за регионална соработка“, додаде Албин Курти, премиер на Косово.
