Три од секои четири деца во САД биле заразени со коронавирус и повеќе од половина од сите Американци имале знаци на претходни инфекции, оценуваат истражувачите од Центрите за контрола и превенција на болести, објави Асошиејтед прес.
АП пренесе дека истражувачите испитувале примероци од крв од повеќе од 200.000 Американци и барале антитела за борба против вируси направени од инфекции, а не од вакцини. Тие открија дека знаците на мината инфекција драматично се зголемија помеѓу декември и февруари, кога позаразната варијанта на Омикрон се рашири низ САД.
За Американците од сите возрасти, околу 34% имале знаци на претходна инфекција во декември. Само два месеци подоцна, 58% имале слични симптоми. „Очекував дека ќе се зголеми. Не очекував, толку многу“, рече д-р Кристи Кларк, ко-водач на тимот на ЦДЦ кој го следи степенот на инфекции со коронавирус.
Веста доаѓа во време кога Фајзер бара дозвола да понуди засилена доза на деца на возраст од 5 до 11 години, исто како што можат да добијат на 12 години и постари.
Republika.mk – содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
