Пирс Броснан (71) и неговата сопруга Кили Шеј Смит (61) се појавија заедно на премиерата на неговиот нов филм MobLand во Њујорк, каде ги воодушевија сите присутни.
Актерот, најпознат по улогата на Џејмс Бонд, изгледаше елегантно во сино одело, бела кошула и сребрена вратоврска, додека Кили ги привлече погледите во црн фустан од тантела. Нејзиниот нов изглед не остана незабележан – очигледно беше дека ослабела многу, а фустанот дополнително ја истакна нејзината нова фигура.
Инаку, Кили во изминатите неколку години често беше мета на критики поради вишокот килограми. Таа и Пирс често се соочуваа со бројни злонамерни коментари, а во септември 2022 година славниот актер реагираше и застана во одбрана на својата сопруга. Потоа истакна дека нејзиниот изглед бил тема на разговор и меѓу неговите пријатели.
„Некои од нашите пријатели и понудија операција за слабеење. Но, јас го обожавам секој дел од нејзиното тело. Таа е најубавата жена во моите очи. И затоа што ги роди нашите деца“, напиша Пирс тогаш на Инстаграм, заштитнички бранејќи ја својата сакана сопруга.
„Отсекогаш навистина ја сакав поради тоа што е, не поради нејзината убавина, а сега ја сакам уште повеќе бидејќи е мајка на моите деца. Многу сум горд на неа и секогаш се трудам да бидам достоен за нејзината љубов“, додал Пирс.
Исто така, често нагласувал дека „не му треба супермодел, туку вистинска жена“.
Текстот (Фото) Сопругата на Пирс Броснан изненади со голема промена во изгледот е превземен од МАКФАКС.
