Анџелина Џоли е една од најпопуларните холивудски актерки, а вчера, на 4-ти јуни, го прослави својот 50-ти роденден. Покрај главните филмски улоги, светот ја памети и по нејзините бурни љубовни врски…
Анџелина Џоли имала многу бурен живот. Во 2007 година, таа даде многу искрено интервју за списанието OK во кое ги опиша своите врски и сексуалност.
Таа ја изгубила невиноста на 14-годишна возраст, а нејзината мајка знаела за тоа.
Во тинејџерските години, таа била фасцинирана од ножевите и почнала да се самоповредува.
„Кога влегов во светот на сексот, емоциите што ми ги даваше не беа доволни. Веќе не бев девојка“, изјави таа за ОК.
„Во момент кога сакав да се чувствувам поврзана со моето момче, зграпчив нож и го исеков. И тој ме исече.
Разменивме нешто покриено со крв и срцето ми чукаше брзо. Од тој момент, секогаш кога чувствував дека сум во неволја, си ја сечев кожата. Имам многу лузни. Бев на возраст кога сакав авантури и ми се случуваа секакви работи по неколку пива.“
Таа вели дека нејзиниот прв сопруг, Џони Ли Милер, ја извлекол од нејзините „мрачни денови“. Се запознале на снимањето на филмот „Хакери“ од 1995 година. Се венчале во 1996 година, но нивниот брак траел до 1999 година.
Откако се разведе од него, таа влезе во својата прва истополова врска со моделот и актерка Џени Шимизу, која ја запозна на снимањето на „Foxfire“ во 1996 година.
„Веројатно ќе се венчавме да не бев во брак со мојот сопруг (Ли Милер)“, изјави таа во едно интервју години подоцна. „Се заљубив во неа во моментот кога ја видов.“
Нов брак
Подоцна таа влезе во врска со Били Боб Торнтон. Тие се венчаа во 2000 година, но бракот траеше до 2003 година.
„Сè се случи одеднаш. Се променивме речиси преку ноќ. Еден ден се погледнавме и веќе немавме ништо заедничко“, рекла таа во едно интервју.
И потоа се појави Бред Пит во 2005 година.
Тие беа омилен холивудски пар
Парот наводно започнал тајна врска за време на снимањето на филмот „Господин и госпоѓа Смит“, додека Пит сè уште бил во брак со Џенифер Анистон.
Анџелина Џоли не го признала тоа, но во тоа време рекла дека „се заљубила во него“ за време на снимањето.
„Да се биде во врска со оженет маж, знаејќи дека татко ми ја изневерил мајка ми, не е нешто за што би можела да си простам“, рекла таа во интервју за „Тудеј“.
По седум години и шест деца, тие ја објавија својата свршувачка во април 2012 година и се венчаа на 23 август 2014 година.
На крајот. Дали таа некогаш била среќна?
Сепак, ниту оваа љубовна приказна не заврши среќно, а холивудскиот пар реши да стави крај на својата врска во 2016 година. Оттогаш, па сè до минатата година, нивната исцрпувачка постапка за развод продолжи.
Текстот (Фото) Сите љубови на Анџелина Џоли што ја натераа да страда е превземен од МАКФАКС.
