На судењето на музичкиот могул Шон Диди Комбс беа презентирани нови морничави докази.

Во судницата беа прикажани фотографии од домашната архива, откривајќи залиха од долна облека, лубриканти и масло, сите тие се дел од доказите презентирани од обвинителот во случајот во кој раперот и продуцент Шон Диди Комбс е обвинет за голем број обвиненија, вклучувајќи трговија со луѓе и криминално заговарање.

Серија фотографии прикажуваат долна облека, штикли, мрежести чорапи и камшици расфрлани низ просторијата.

Исто така е познато дека полицијата пронашла оружје и дрога за време на претресот на неговиот луксузен имот.

Обвинителството тврди дека Комбс го искористил својот статус и моќ за да ги принуди своите партнерки да учествуваат во таканаречени секс маратони „фрик-оф“, каде што наводно биле подложени на неговото насилно и манипулативно однесување.

Адвокатите на Комбс, кои ќе ја презентираат својата одбрана оваа недела, признаваат дека тој бил вмешан во случаи на семејно насилство, но силно ги негираат обвиненијата за трговија со луѓе и криминал. Тие нагласуваат дека ова е обид за криминализирање на врските меѓу возрасни кои, според нив, биле консензуални.

Комбс се изјасни за невин.

Доколку биде осуден, раперот може да се соочи со 15 години до доживотен затвор.

Текстот (Фото) На судењето на Пи Диди беа презентирани нови морничави докази е превземен од МАКФАКС.

ПОВРЗАНИ НАПИСИПОВЕЌЕ ОД АВТОРОТ