Финскиот претседател Саули Нинисто и шведската премиерка Магдалена Андерсон утре ќе разговараат со турскиот претседател Реџеп Таип Ердоган за нивните заглавени кандидатури за НАТО пред Самитот на Алијансата кој треба да се одржи на 30 јуни во Мадрид.
Advertisements
„Претседателот Нинисто утре во Мадрид ќе се сретне со турскиот претседател Реџеп Таип Ердоган, шведската премиерка Магдалена Андерсон и со генералниот секретар на НАТО [Јенс] Столтенберг“, објави финското претседателство на Твитер.
Се наведува дека на состанокот ќе му претходи денешната (27 јуни) рунда разговори меѓу финските, шведски и турски претставници во седиштето на НАТО во Брисел.
Руската инвазија врз Украина ги натера Финска и Шведска да поднесат барање за членство во НАТО.
Ердоган рече дека е против приемот на двете земји во Алијансата поради, како што ја нарече, нивната поддршка за „терористички организации“, алудирајќи на забранетата Курдистанска работничка партија и курдската милиција „Единици за одбрана на народот“ во Сирија.
Турскиот претседател исто така ги повика Шведска и Финска да го укинат ембаргото за извоз на оружје, воведено против Турција во 2019 година, поради воената офанзива на Анкара во Сирија.
