Доколку во текот на денот се чувствувате лошо, причина за тоа може да бидат и неколкуте ваши утрински навики, кои важат за ваш мал ритуал. Затоа, доколку имате здрави утрински навики, тоа по автоматизам значи дека вашиот ден ќе биде квалитетен и со помалку стресни ситуации.Иако можеби секоја преспана секунда ви значи многу, сепак стручњаците тврдат дека одложувањето на алармот е многу лоша идеја. Тоа е така затоа што организмот постојано го оставате да биде под стрес, а како последица на тоа е и успивањето кое ќе предизвика доцнење на местото каде што сте сакале да стасате. Самото тоа ви предизвикува нов стрес, кој лошо влијае врз здравјето на вашето тело, ги оштетува виталните органи и целосно ви го уништува расположението.Доколку се грижите за своето здравје, лекарите советуваат во никој случај денот да не го започнувате со чаша утринско кафе, кое е јако и без шеќер. Тоа е така затоа што во тој период од денот телото произведува големи количества на хормонот кортизол, кој има за цел да ни обезбеди енергија за да функционираме нормално во текот на денот. Затоа, доколку рано наутро веднаш откако ќе се разбудите, внесувате кофеин, тоа ќе произведе помали количества од овој хормон.Во никој случај, колку и да брзате и да имате обврски, не е препорачливо од дома да излегувате гладни. Доколку не сте во можност рано наутро да си подготвите некој оброк, тогаш доволно е да изедете една банана или на едно парче леб да намачкате нешто. На тој начин, само за неколку минути, вие на вашето тело ќе му обезбедите доволно количество енергија за да ги реализира многу полесно сите зацртани планови.
Republika.mk – содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
