Руските сили не го штедат од напади градот Лисичанск, додека украинските регионални власти ситуацијата ја опишаа како многу тешка.
Advertisements
Британското разузнавање соопшти дека руските сили продолжуваат да напредуваат. Украинскиот гувернер на областа Луганск, Серхи Хејдеј, потврди дека постои зголемена воена активност.
Според него, ситуацијата е слична како онаа во Северодоњецк, каде руските сили ги уништуваа зградите една по друга.
Во меѓувреме, украинскиот претседател објави видео од рускиот напад врз трговскиот центар во Кременчук.
Зеленски ја обвини Русија дека намерно гаѓала цивили.
„Руски проектили намерно ја погодија оваа локација. Намерно. Јасно е дека руските убијци ги имале точните координати. Сакаа да убијат што повеќе луѓе“, изјави Володимир Зеленски, претседател на Украина.
Во меѓувреме, британското Министерство за одбрана соопшти дека „постои реална можност“ ракетните напади врз трговскиот центар во Кременчук да биле всушност насочени кон инфраструктурен објект во околината на трговскиот центар.
Но, според Лондон, можно е руските ракети да не биле прецизни.
