Американскиот претседател, Доналд Трамп, ја отфрли одлуката на францускиот претседател Емануел Макрон да ја признае државата Палестина во септември како неважна, објави Ројтерс.
„Она што го кажува е неважно. Тој е добро момче, ми се допаѓа, но неговата изјава нема тежина“, рече Трамп.
Францускиот претседател Емануел Макрон вчера објави дека земјата ќе ја признае државата Палестина на Генералното собрание на Обединетите нации во Њујорк во септември.
Неговата одлука да ја признае државата Палестина предизвика мешани реакции во Франција и во светот.
Израелскиот премиер Бенјамин Нетанјаху остро ја осуди одлуката на Макрон, нагласувајќи дека таа „поттикнува терор“.
„Силно ја осудуваме одлуката на претседателот Макрон да ја признае палестинската држава, по масакрот од 7 октомври. Таквата одлука го наградува теророт и ризикува да создаде уште еден ирански посредник, исто како што беше случајот со Газа“, рече Нетанјаху.
Претседателот на Палестинската самоуправа, Махмуд Абас, денес ја поздрави одлуката како „победа за палестинската кауза“.
„Ова ја одразува посветеноста на Франција на поддршката на палестинскиот народ и нивните легитимни права на нивната земја и татковина“, рече Абас.
Текстот Трамп: Макрон е добро момче, но неговта изјава за признавање на Палестина нема тежина е превземен од МАКФАКС.
