Понекогаш ни е потребна само мала поддршка за да го постигнеме она што го сакаме
Сите сакаме да веруваме во чуда и бајки. Понекогаш очајно ни е потребно тоа, бидејќи ни го создава она позитивно чувство кога ни се чини дека сѐ е можно. Овој едноставен тест нè учи и ни испраќа порака дека она што го зрачиме е она што го привлекуваме.
Ако имаме позитивен став кон животот и гледаме на чашата како полуполна, а не како полупразна, многу е веројатно дека многу врати на кои чукаме во животот полесно ќе се отворат.
Дозволете ѝ на вашата интуиција да ве води и изберете едно ангелче, па погледнете што ќе ви каже во текот на претстојното време.
Ангелот на желбата
Ако вашиот избор е ангелот на желбата, тогаш не двоумете се. Шепнете му ја вашата желба и таа наскоро ќе се оствари. Вашиот ангел ќе ве заштити од сите неволји. Ако имате проблеми, тие брзо ќе се решат. Сите ваши планови ќе бидат успешни. Не плашете се да дејствувате. Вашиот ангел ви дава заштита на секој пат по кој одите.
Дури и кога сте во дилема дали да направите нешто, ќе ви помогне полесно да донесете одлука и преку вашиот внатрешен глас ќе ви го покаже патот по кој треба да одите. Овој ангел ги пренесува пораките на срцето и нѐ учи дека не постојат невозможни работи во животот, туку дека само треба цврсто да верувате и да бидете истрајни.
Ангел на љубопитноста
Ангелот на љубопитноста предлага мала авантура која кај вас ќе разбуди пријатни емоции и чувства. Очекувајте добри вести на сите полиња. Ќе се изненадите колку работите ќе бидат лесни и убави и сѐ ќе ви оди од рака.
Вашиот ангел ја носи пораката на душата и ви кажува дека чистотата на намерата е најважната работа на која треба да внимавате кога правите нешто. Понекогаш застанете и преиспитајте ги своите намери, па ако сфатите дека тие не се најчисти, откажете се од нив. Вашиот ангел секогаш ќе знае како да ви покаже кога е време да престанете.
Ангел на љубовта
Доколку сте го избрале овој ангел, тоа значи дека наскоро ве очекуваат пријатни љубовни искуства. Тоа може да биде ново познанство или романтично изненадување кое ви го приреди саканата личност или личност за која често размислувате и која ви се допаѓа. Овој ангел симболично ви ја носи пораката дека е вистинско време да ја пронајдете својата „друга половина“, она што може да се нарече сродна душа.
Ако веќе сте во таква врска, тогаш тоа ве учи дека секогаш можете да одите чекор понатаму во неа со градење на некои подлабоки врски. Овој ангел ви ја пренесува пораката на вашето внатрешно битие дека треба секогаш да ги следите вашите чувства и интуиција.
