Апелацискиот суд на САД денес ја потврди пресудата на понискиот суд со која ѝ беше наредено на администрацијата на Трамп да продолжи да издава пасоши со ознака „X“ или со пол различен од нивниот роден пол на трансродови или небинарни лица.
На 20 јануари, денот на неговата инаугурација, Трамп потпиша извршна наредба во која се наведува дека во Соединетите Американски Држави ќе бидат признати само два пола, машки и женски.
Стејт департментот веднаш престана да издава пасоши со пол „X“ или пол што се разликува од доделениот пол на носителот, во согласност со наредбата. Но, американски судија во јуни ѝ наложи на администрацијата да продолжи да ги издава.
Ваквите пасоши се издаваат речиси три години
Апелациониот суд вчера го отфрли барањето на владата за одложување на оваа одлука, потврдувајќи го заклучокот на понискиот суд дека засегнатите ќе претрпат „различни непосредни и непоправливи штети“ како резултат на наредбата на Доналд Трамп.
Првиот американски пасош со пол „X“ беше издаден од Стејт департментот во октомври 2021 година, во кој беше наведено дека полето „X“ е резервирано за „небинарни, интерсексуални лица“ и, пошироко, за оние кои не се идентификуваат со претходно предложените критериуми за пол.
фото: принтскрин
Текстот Судот ја отфрли жалбата на Трамп: пасошите за небинарни лица ќе продолжат да се издаваат е превземен од МАКФАКС.
